Para Kurdî ya Radyoya Yêrêvanê sala 1955an dest bi weşanê kiriye.
Vê radyoyê bi tesîra xwe kiriye ku navê wê di nêv milet da dûz, dîrekt bibe Radyoya Kurdî.
Rêber û berpirsê Radyoya Kurdî Xelîl Mûradov sala 1979an di Rêya Teze da ser vê radyoyê gotiye ‘’gazeteya bê kaxez û bê hidûd’’
Dengê vê radyoyê ji Ermenistanê demeka dirêj kultûra salên Sovyetê bela kiriye.
Yılmaz Çamlıbel di nivîseka xwe da ser wan salan dibêje li ber dengê radyoyê dawet û dîlan bû û nimûneyeka enteresan dide.
Dibêje, Yılmaz Çamlıbel dibêje, mele, şêx û sofîyên Kurd him tizbîyên xwe dikişandin him jî bi tesîra radyoyê bi dengê bilind digotin:
sala hezar hijdeh bîst
me xeberên xweş bihîst
hatine cem me komunîst
bîr nakim ha bîr nakim
kirina Lênîn bîr nakim
riya Lênîn unda nakim
bîr nakim ha bîr nakim
